نحضر اولا العجينة نحط في ريسبسيون كاس حليب دافي ونضيف عليه بياض البيض ونصف كاس زيت والخميرة والسكر ونخلط مليح ثم نبدا نلم بالفرينة حتى نتحصل على عجينة طرية نوعا ما ونغطيها ونخليها تختمر

بعد ما اختمرت العجينة نشكلها كرات صغار ونبدا نحل كل كرة على شكل دائري ونحط على جبن طري او مبشور

الخطوة التالية نطوي الكرية على اثنين ونجيب سكين نقطع كما موضح فالصورة ونطوي من كل الجنبين ثم نطوي هذاك ونشكل كما فالصورة حتى نتخصل على بابيون

فالاخير نحط المملحة تاعي في سينية الفرن على ورق الطهي وندهنها بصفار البيض ونرشها بالسينوج وندخلها الفرن تطيب من تحت ثم نشعللها من فوق تتحمر ونخرجها

هذا شكل المملحة تاعي جات خفيفة وقطنية راح نقدمها مع شربة فريك (الوصفة من قناة ام وليد)