نجيب اولا اللحم المفروم تاعي نحطو في مقلاة ونحط عليه ملح وفلفل اسود ونخليه يطيب وفي مقلاة اخرة نجيب لحم دجاج بعد مامارينيتو فللملح ولفلفل الاسود وم ك موطارد وم ك ياؤورت طبيعي ونحطو في مقلاة يطيب

نرجع لتحضير العجينة ونحط الحليب والبيض والملح والفرينة ونجيب برا ميكسار ونخلط العجين تاعي مليح ثم نجيب مقلاة خاصة بليكراب ونطيب العجينة تاعي

الخطوة التالية وبعد ماطابت العجينة تاعي اختفظت بالباقي وحشيت حسب افراد العايلة نجيب ورقة كراب نحط اولا م ك مايونيز ونكون قليت البطاطا مسبقا ونحط بطاطا مقلية وكمية من لحم الدجاج ولحم المفروم وجبن طري وزيتون اخضر كيما موضح فللصورة

فالاخير نغلق حبات الكراب المالح مليح ونجيب مقلاة ونقصلها النار ونحطهم يطيبو والف صحة وعافية