نبدا اولا بتحضير الكريمة تاعي نجيب كسرونة نحط نصف لتر حليب والسكر والنشاء والكاكاو يفضل بني انا كان مش متوفر عملت الاسود ونضيف م ك نسكافي وم ك شكولا الطلي ونخلط ونحطها عالنار حتى تثقال ثم نجيب مول زجاجي ونبدا نشمخ فالبسكويت تاعي فالقهوة ونستفو فالمول انا عملت طبقيتين فوق بعض

بعد ذلك نجيب كمية من البسكويت نكسرها خشنة ونضيفلها للكريمة تاعي ونخلط مليح ثم نفرغها مباشرة عالبسكوست ونرجع نطلع الشانتي تاعي نحط كاش شانتي مع كاس ماء ونطلعها مليح

بعد ذلك نفرغ الشانتي عالكريمة بعد ماتكون بردت مليح ونزينها كما فللصورة شكلها بالساباتيلا ورشيت عليها كاوكاو محمص ومرحي وندخلها الثلاجة تبرد

فالاخير هذا شكل التحلية تاعي جات خفيفة وبنينة