نبدا اولا ونحضر العجينة تاعي نخلط البسكوي المرحي والكاوكاو المحمص والمرحي وحلوى الشامية ونخلط كل مليح ونبدا نلم فيه بالعسل حتى نتحصل على عجينة متماسكة

نجيب ثانيا سيقار لي يتباع ونجيب ورق طهي ونحط العجينة تاعي عليه ونحللها بالحلال رقيقة ونجيب حبة سيقار نحطها ونقيس عليها ونقص

الخطوة التالية نبدا نلف على السيقار تاعي ونغلقو مليح حتى نكمل كامل الكمية ونحطو فالمجمد يتماسك مليح ثم نذوب شكولا بالحليب في حمام مايئ وحدة ضفتلها كاوكاو والاخرة لا ونغلف حبات السيقار تاعي ونحط ينشف

فالاخير نجيب ورق ذهب ونقسم الورقة على اثنين ونغلف نصف الحبة والنصف الاخر نحط فيه حبات شكولا مخدومة بمول ترنسفار واخرى خدمتها بمول البابيون وزينتو