نبدا اولا بتحضير المرق تاعي نحط في طنجرة قطعة دجاح ونضيف عليها بصلة وسنات ثوم ونحط ملخ وتوابل وزنجبيل وفلفل اسود. ومعدنوس مقطع ونضيف م ك زيت ونحطها عالنار تتقلى مليخ ثم نضيف كمية من الزيتون الاخضر شرائح ونقلي ونمرق بالماء ونخليها تطيب ثم نوجد اللحم تاعي نتبلو مليح ونحط عليه م ك شابلير وسنات ثوم ومعدنوس مقطع ونلمو

نجيب ورق شفاف نحل عليه الدجاج تاعي ونسويه مليح ونحط كمية مليخة من الحبن ونلف حتى نشكل حربوش نلويه مليح

بعد مامرقت المرق تاعي نحط الرولي في كسكاس ونحطو عالطنجرة مدة ثم نحيه ونرحعو فالمرق يطيب بعد ماطابلي نحطو على لوح تقطيع ونجيب مقلاة نحط فيها م ك زيت ونقلي الرولي تاعي ونحمرو من كل الحوانب

بعد ماحمرتو مليح نجيب سكين منشار ونقطعو الى دوائر ونحمر قطعة الدجاج ايضا ونجيب صحن التقديم ونحطو دوائر ثم نحط فالوسط قطعة الدجاج ونسقيه بالمرق تاعي