نحضر اولا العجينة السائلة ونحط في ريسبسيون 2حبات بيض ورشة فلفل اسود وكاس وحليب ونخلط بالفوي مليح ثم نضيف كاس فرينة وم ص خميرة كيميائية ونخلط مليح ونتركها ترتاح

الخطوة الثانية نوجد الحشو تاعي نجيب حبة بصل صغيرة نقطعا رقيقة ونحط في مقلاة م ك زيت ونحط البصل تاعي ونقليه مليح ثم نضيف عليه صدر دجاج مرحي او لحم مفروم خسب المتوفر عندك ونحط رشة ملح وفلفل اسود ونقليهم مليح حتى يطيب اللحم ثم نضيف عليهم ربع كاس كريمة فراش ونخلط مليح ونطفي النار

بعد ذلك نقلي البطاطا تاعي

الخطوة التالية نجيب كريبيار ونحطها عالنار ونبدا نطيب العجينة تاعي ثم نقلبها عالجهة الاخرى ونحط على جنب الجبن الطري

نحط باقي الحشو اللحم الطايب ثم البطاطا المقلية ونغلق الحبة تاعي ونطيبها ثم ندنهنها بقليل من الزبدة عالجهة اااخرى ونخليها تتحمر مليح حتى نكمل باقي الكمية

فالاخير نقدم سوندويتشات تاعي كوجبة صيفية خفيفة وساهلة وماتديش الوقت بزاف