نحضر اولا الخضروات تاعي ونقوم بتقطيعها ثم نبدا بوضع م ك زيت فالمقلاة ونحط البطاطا تاعي ونقص عليها

نجيب مقلاة ثانية نحط فيها م ك زيت ونرحي سنات ثوم ثم نضيف عليه نصف صدر دجاج مرحي ونخليه يتقلا مليح ثم نضيف م ك طماطم مصبرة

نرجع للبطاطا تاعي هنا البطاطا ونضيف عليها الملح والفلفل الاسود والعكري الحار والكركم على جال اللون ونخليها مدة نصف ساعة مع التقليب حتى تتحمص مليح وتطيب

في نفس المقلاة لي طيبت فيها اللحم تاعي وبعد مانحيتو نضيفلو كمية من المعدنوس ونحط فالمقلاة م ك زيت ونحط البصل مقطعة شرائح رقيقة وشرائح الفلفل الخلو والحار ونخليهم يذبلو مليح ثم نضيف عليهم نصف حبة طماطم حب ونخليها تطيب

الخطوة التالية نجيب مول يدخل الفرن انا مامتوفرش عندي مول صغير عملت هذا نفرغ كمية البطاطا ونستفها مليح ثم نحط عليها الشكشوكة تاعي لي هيا بصل وفلفل حلو وحار ونستفها ونضيف عليها اللحم الطايب ونستفو مليح

فالاخير نحط كمية مليحة من الجبن المبشور على كامل الوجه ثم نحط شرائح من الفلفى الحار ومعدنوس مقطع رقيق وحبات زيتون اخضر وندخلها الفرن تطيب

اخيرا نقدمها في صحن التقديم كوجبة صيفية خفيفة وطريقة جديدة لبطاطا كوشة