نبدأ اولا بتخضير الصلصة ونجيب طنجرة نحط فيها بصلة صغيرة نقصها رقيقة وسنات ثوم ثم نحط ملح وتوابل وفلفل اسود وزنجبيل وم ك زيت ونحطها على النار ونقص عليها معدنوس مقطع نقلي مليح ونرجع نوجد لللحم تاعي في اشوار نحط قطع الدجاج ونضيف عليه بصلة صغيرة مقطعة وسنات ثوم و ملعقة كبيرة شابلير وفلفل اسود وزنجبيل ومعدنوس مقطع ونرحي الكل مع بعض ثم نفتح عليه ونضيفلو نصف حبة البيض ونظزيدلو شابلير اذا لقيتو طري ونرحيه مرة اخرى

نرجع للمرق ونرحي عليه حبة الطماطم ونحط ملعقة كبيرة طماطم مصبرة ونخليه يطيب مليح بعد ذلك نجيب ورق شفاف ونحل الدجاج تاعي الى قطع صغيرة دون مانرققها ونحط قطعة جبن كما في الصورة ونغلق بالورق الشفاف ونشكل الشوصون تاعي هكا حتى نكمل كامل الكمية

نجيب مقلاة نحط فيها زيت ونقلي اولا حبة بطاطا اختياري ثم نحط حبات الشوصوت يتقلاو على الجهتين على نار هادئة حتى يطيب الدجاج ونحمرهم على الجهتين

الخطوة التالية نطفي عالمرق ونجيب صحن تقديم نحط في الوسط البطاطا المقلية ثم حبات شوصون

فالاخير نصب كمية من المرق عالشوصون والبطاطا المقلية ونزينها بمعدنوس مقطع جاء طبق صيفي خفيف وبزااااف بنين يقدم مع سلطة وكسرة مطلوع