اول حاجه هنأخذ ربع كوب الدقيق مع كوب إلا ثلث ماء وهنحطهم في الميكرويف ونطلعهم كل شويه ونقلب لحد ماتستوي كلها او لو مش في ميكرويف نحطهم على نار متوسطة ونقلبهم لحد ماتستوي برضو ونسيبهم على جنب

نيجي هنا للخطوه التانيه نجيب طبق عميق ونحط فيه اللبن يكون مابين السخن والدافي متوسط يعني نحط عليه السكر والخميره ونسيبهم لحد مالخميره تتفاعل وتعمل فقاقيع صغيرة على الوجه كدا بعدها نحط البيضه ونخلط نخلط كويس ونجيب الخليط اللي عملناه في الاول بالدقيق والمايه فاكرينو ايوه نحطو مع الخلطه اللي عملناها دي ونقلب كويس ونجيب الدقيق وعليه رشة الملح ونضيف بالتدريج ونعجن لحد ما نخلص كميةالدقيق اللي عندي بعدها نجيب الزبدة تكون مذوبه ونضيفها على ثلاث مراحل على العجينة ونعجن لحد مانخلص كميةالزبدة اللي عندي

نأخذ العجينة نغطيها ونحطها في مكان دافي لمده ساعة ونصف

في الخطوه دي هنعمل الحشوة نجيب قرفة وسكر مقدار السكر اكتر من القرفة يعني لكل ملعقة قرفة معلقتين سكر تمام تمام كدا خلصنا الخطوه دي

بعد مالعجينه تختمر ناخدها ونفردها على سطح مرشوش عليه دقيق ونفر العجينة كويس بالنشابه لحد ماتبقي مستويه كدا بعدها نجيب الزبدة وخليط القرفة وندهن اللعجينه زبدة ونرش عليها خليط السكروالقرفه لحد مانغطيها ونلفها رول وفي بيقطعوها بالسكينه وفي بالخيط شوفو انهي طريقة انسبلكو واعملوها بعدها نرصهم في صينية ونغطيها بي فوطه ونسبها تخمرالخمره التانيه لمده نص ساعة

بعد ماالنص ساعة عدت ندخلها الفرن محمي مسبقا لمده ٢٠ ل٢٥ دقيقه على ما تجهز معاكو بعد ماتستوي نطلعها ونرش عيها لبن مكثف محلي وتقدم اتمنى تكون الوصفه عجبتكم يارب تجربوها وتعجبكم وبالف هنا