نخلط جميع مكونات العجين و نضيف الماء تدريجيا حتى نتحصل على عجينة طرية و نخلوها تخمر

نرابي البصل و الجزر و الكورجات و نضيف الزيت في المقلاة و من بعد ما تسخن الزيت نضيف الخضر و كي يدبالو شوية نضيف و اللحم او الدجاج المفروم و التوابل و كي يطيب نضيفو الفرماج و نحركو حتى يدوب و نخلوه يبرد

بعد ما خمرت العجينة نقسموها نصفين و نورقو النصف الاول و نحطوه في المول و نضيف جبن الساندويتش فوق العجين باش ما تتعجنش كي نضيفو الحشو و من بعد نزيد الحشو و نعاودو نغطوها بالحشو و نضيفو فوقه جبن الساندويتش و نغطوه بالعجينة المتبقية و نشكلوه في الاطراف كما في الصورة و نفتحوها في الوسط بالسكين و نشكلو بالاليمينيوم مثل المدخنة باش العجينة ما تتنفخش في الوسط و ندهنوها بالبيضة و نزينوها بالسانوج و الجنجلان