نبدأ اولا بتحضير عجينة الصابلي ونحط المقادير المذكورة ونلمها حتى نتحصل على عجينة متماسكة

بعد ذلك نبدأ نطبع عجينة الصابلي بطابع دائري ونعمل ثقبة في كل حبة كما هو موضح في الصورة حتى نكمل كامل الكمية وندخلها تطيب اي تستوي

بعد ذلك نجيب نستله كراميل ونلصق كل حبتين مع بعض ونخليها تجف مليح

الخطوة التالية نجيب عجينة السكر وردية اللون ونحلها على طاولة العمل باستعمال النشاء ونفس الطابع نطبع عجينة السكر ونثقبها بنفس الشكل ثم نجيب مول خاص بالحروف ونحط كل حرف فالملع الذهبي ونطبع اسم البنوتة كان اسمها براءة ونلصق كل دائرة باستعمال الغراء الغذائي او المعجون

بعد ماكملت ولصق كل عجينة السكر نخلط حبات بعجينة السكر البيضاء ونخدم بنفس الطريقة ونجيب ذبلة ونعقدها في الثقبة حتى نكمل كامل الكمية

فالاخير نحط حبات الصابلي فالنابات والكيسات