نبدا اولا بغسل مخ الخروف ونحطو في ماء وخل ونغسلو مليح ثم نحط طاوة فيها ماء نخليه عالنار يغلى ونحط المخ يغلى مدة 10 د ونطفي عليه النار ونصفيه مليح ثم نحضر الدرسة نرابي حبة الطماطم ونقص الفلفل الحار رقيق وسنات الثوم

نجيب كسرونة نحط فيها. م ك زيت ونحطها عالنار ونضيف الثوم والفلفل الحار المقطع ونقلي ثم نحط الطماطم االحب ونحط الملح والفلفى الاسود والعكري الحلو وم ص كمون ونقلي الكل مليخ ثم نضيف الطماطم المصبرة ثم نضيف نصف كاس ماء ونغطي عليه ونخليها تتقلى مليح

بعد ذلك نقطع المخ تاعي الى قطع متوسطة ثم نحط المخ تاعي في الصلصة تاعي ونغطي عليه دون مانحركو حتى يتشرب الدرسة مليح ونكسر عليه حبة البيض

فالاخير نحط الشطيطخة مخ فالصحن ونقطع عليها معدنوس من فوق جات بنينة بزااااف