نحضر الصابلي تاعي ثم نجيب مول ونطبع العجينة تاعي

كي نكمل كامل العجينة ندخل الصابلي يطيب في الفرن ونخرجو ونخليه يبرد تماما ثم نبدأ نلصق فيه انا استعملت نستله كراميل وتوفيا كراميل لصق بيهم وحطيت عود سوسات كلاصي في كل حبة شريت هذو الملونين

بعد مالصقت الصابلي تاعي نذوب شوكولاته بالحليب على حمام مائي ونزيدلها ملعقة كبيرة زيت ونغلف الحبات تاعي حتى نكمل كامل الكمية ونحطها على ورق طهي حتى تجف الشوكولاتة

الخطوة التالية نجيب ملمع فضي وملمع اصفر وعجينة السكر ومول سيليكون خاص بموتيفات النجاح ونخدم االاشكال الموضحة في الصورة ثم نلصقها فوق شوكولاته حبات الصابلي حتى نكمل كامل الكمية

فالاخير نجيب ذبلة بيضاء ونشكلها بابيونات ونلصقها في عود حبة الصابلي ونحطهم في الكيسات