نبدأ اولا بقص حبة البطاطا الى مكعبات ونحطها تغلى في الماء مع رشة ملح وفلفل اسود ثم نوجد اللحم تاعي نحطو في صحن ونتبلو ونحطلو ملح وفلفل اسود وثوم مرحي وزنجبيل ونخلط معاه حبة بيض وم ك شابلير ونخلط مليح ثم نشكلها الى كرات ونحطهم على جنب

بعد ماطابت البطاطا نرحيها بالباتور مع ملعقة صغيرة زبدة وقليل من الحليب ثم نحضر صلصلة الطماطم ونحطها على النار تغلي ثم نحط كرات الكفتة فالصلصلة ونخليها تطيب اي تستوي

فالاخير نحط البطاطا في مول زجاجي ثم نحط كرات الكفتة والصلصة فوق البطاطا ثم نبشر الجبن من فوق وندخلها الفرن تطيب اي تستوي وكي تنشف نشعللها من فوق حتى يتحمر الفرماج رابي ونخرجها

اخيرا هذا شكل طبق تاعي