نحضر المرق تاعي ونحط في طنجرة قطع كوطليط مقطعة رقيقة ونحط عليهم بصل وثوم مرخيين ثم الملح والتوابل والفلفل الاسود والمعدنوس المقطع وم ك زيت ونحطها عالنار تتقلى مليح ثم نحط عصرة ليمون ونمرق بالماء

الخطوة الثانية نحضر اللحم تاعي نجيب صحن ونحط فيه اللحم المفروم ونتبلو بنفس توابل المرق ونحط عليه سنات ثوم ثم نحط حبة بيض ونخلط ثم نضيف الارطب تاع الفريك ولي تحب تعمل شابلير ونلم مليح ثم نجيب لوحة تقطيع نرش عليها ارطب الفريك ونشكل كرات الكفتة ونكون في نفس الوقت حطيت خبة البيض لي بقات سلقتها نقشرها ونغلفها بكمية من اللحم

بعد ماكملت اللحم تاعي نحطو مباشرة فالمرق وحبة البيض نغلفها بورق شفاف ونحطها حتى هيا تطيب ونغلق ونخليها تطيب بعد مدة نفتح الطنجرة ونخلي المرق يثقال ونحط حبة فلفل حار

فالاخير وفي صحز التقديم نقطع حبة البيض بعد ماطابت ونحط حبات الكفتة والمرق ونزينها بقطع اللحم ومعدنوس مقطع من فوق