نبدأ اولا بتخضير المكونات تاعي وقص الخضروات ثم قطع الدجاج ونقص الطماطم الي مربعات دون قشرة

نرجع نجيب مقلاة نحطها فيها زيت ونحطها على النار ونحط البصل نقليها ثم نحط معاها الفلفل الخلو والحار ونخليهم يتقلو ثم نحط الطماطم ونقلي ونحط ملح وفلفل اسود واي توابل تحبو تضيفوه ونحط نصف ملعقة طماطم مصبرة ونقص النار ونخليها تطيب اي تستوي مليح وبعد ذلك نوجد البطاطا تاعي ونقصها دوائر رقيقة

بعد ذلك نجيب مقلاة اخرى نحط فيها شويا زيت ونحط الدجاج يتقلى مع رشة ملح وفلفل اسود ونطيبو مليح ثم نضيفو لخليط الشكشوكة ونخلي الكل يطيب مع بعض

نجيب مقلاة اخرى ونقلي البطاطا تاعي مليح بعد ماوجدت كلشي نفس المقلاة نغسلها ولازم تكون ماتلصقش ندهنها بالزبدة ونحط طبقة اولى من البطاطا ثم نقص معدنوس وجبن مبشور ثم نحط كمية من لبيض لي نكوم خلطتة مع الحليب ثم نحط طبقة الحشو تاعي ونسويها مليح ثم نرش معدنوس وجبن مبشور ونصب قليل من البيض ثم نحط الطبقة الباقية من البطاطا ونرش معدنوس وجبن مبشور ونصب بقية البيض والحليب

فالاخير نقص النار على المقلاة ونخلي الخبزة تاعي تطيب اي تستوي من تحت مليح ثم نقلبها على الجهة الاخرى ونخليها تتحمر مليح ونقلبها مباشرة في صحن التقديم

الشكل النهائي لطبق تاعي جات بنينة بزااااف نتمنا تجربوها توالم بزاف الايام هذو