إفتح في تطبيق كوكبادالخطوات
- 1
اول شيء كانبدا نحط الدجاج في القدرة او البرمة مع الزيت المخلطة وكانزيد حبة البصل وكذلك الربيع المخلط قزبر ومعدنوس
- 2
كانخليهوم يتقلاو شوية وكانزيد 2حبات جزر متوسطين اللي نقيتهم وحيدتليهم النواة ديالهم وقطعتهم على 2
- 3
كانزيد العطرية وكانمرق حتى كانوصل النص في القدرة وكانخليه يغلى واحد الغلية وكانزيد الايشو او الكرم او الملفوف
- 4
كاندوز نقاد السميدة كانحط ديك نصف كيلو وكانزيد عليه 2ملاعق كبار زيت المائدة كانخلطو مزيان وكانزيد الماء بارد بالتدريج
- 5
كانسقيه مزيان بالماء وكانخليه واحد الشوية يشرب.يك الماء باش يتكاثر لي داك السميد
- 6
في هذه الاثناء كاندوز للتفاية كانقطع البصل شرائح وكانزيد عليه شوية زيت وكانخليه يهبط ويذبال
- 7
كاندوز للكسكس كايكون شرب الماء ديالي كانخلطو شوية بيدي وكاندير في الكسكاس وكانخليه يفور
- 8
التفاية من بعدما كاتهبط كانضيف ليها الملح والزبيب والسكر وكانخليها تعسل شوية وكانزيد ملعقة قرفة وكانحيدها ملي كاتبانلي وجدات وتعسلات
- 9
السميدة ملي كاتفور المرة الأولى كانحيدها نديرها في اناء وكاندير القرع الأحمر في القدرة مع المرق وكانزيد حبة طماطم محكوكة
- 10
وكانرجع للسميدة وكانبقى نزيد ليها الماء كانرشها وانا كانحلها بيدي حتى كاتبانلي تحلات وكانعاود نخليها شوية تشرب الماء ديالا وكانرجعها تفور للمرة الثانية
- 11
من بعد ما كاتفور السميدة كانعاودليه نفس الشيء اللي درت المرة الأولى وكانزيد الملح في هذة المرة
- 12
كانحيد القرع الأحمر كالديرون في كاسرونة وكانزيد عليه شوية المرق والسكر والقرفة وكانخليه يتعسل
- 13
وكانزيد في القدرة القرع الأخضر وكانرجع السميدة تفور للمرة الثالثة
- 14
من بعدما كاطيب كانقدمها في طبسيل كانحط السميدة
- 15
وكانضيف الخضر والدجاج والتفاية من الفوق
وصفات مشابهة
وصفات ننصحك بمشاهدتها
التعليقات