نبدا اولا بتحضير لماريناد للكوطايت تاعي نجيب كسرونة كبيرة نحط فيها الياؤورت طبيعي والموطارد والملح والفلفل الاسود والعكري والزيت ونخلطهم مليح ومن بعد نحط م ك طماطم ونخلطهم مليح ونخليهم يرتاحو مدة ساعتين

نجيب سوبيار تاعي نقطع حبة البصل شرائح والسنات الثوم ونحط طبقة البصل طبقة اولى ثم نحط فوقها كوطليط تاعي ونفرغ عليه باقي التتبيلة ثم نحط طبقة طماطم شرائح

نغطي الطنجرة تاعي بورق الطهي ثم ورق المنيوم والغطاء تاعها وندخلها الفرن تطيب مدة 3سا ثم نرج للارز تاعي نغسلو مليح ثم نجيب كسرونة نحطها فيها 4كيسان ماء ونحط عليهم ملح وم ك كركم ثم كمشة جلبانة و2حبات زرودية نقطعهم رقاق ونخلي الماء يغلي ونضيف الارز تاعي يطيب انا استعملت ارز بسمتي

فالاخير نصفي الارز تاعي من الماء ونخليه يقطر مليح ثم نجيب سينية فرن نفرغ فيها الارز نسويه مليح ثم نفرغ عليه هذاك المرق لي خرجلي من سوبيارة تاعي ونحط الكوطليط من فوق وندخلهم الفرن يتحمرو مليح

شكل الطب النهائي تاعي جاء بزاف بنبن وهايل