هنحط في الاول كباية اللبن الدافئ و السكر و ربع كباية زبدة سائحه و نقلب و نحط الخميره و نقلب نسيبها عشر دقائق

هنحط عليهم بيضة و فانيليا و نقلب و بعدين نحط كوبين و نص دقيق بس دلوقتي و نقلب كويس تبقى كده ملزقه و لسه مبقتش عجينه نغطيها و نسيبها ساعة

بعد ما تختمر الساعه دي نحط كوب الدقيق الباقيه و نص ملعقة صغيرة بيكنج بودر و نعجن لمده عشر دقائق عقبال ما تبقى عجينه مبتلزقش اوي و ايدك تطلع منها نضيفه و نسيبها نص ساعة تختمر

لما تختمر نص ساعة هنرش عليها دقيق و هنحس قد ايه العجينة هشه و ناعمه هترشو دقيق على الترابيزه أو رخامه ناشفة و نفرد العجينة على شكل مستطيل و ندهن العجينة زبدة و نرش القرفة و السكر و نلفها و نقطعها بسكينه حاميه و نحطها في صينية مدهونة زبدة و دقيق و نرصها بعيد عن بعض عشان هتخمر

نسيبها تختمر لمده نص ساعة و بعدها ندخلها الفرن لحد ما تستوي و لما تبرد نحط الصوص

و بالهنا و الشفا على قلبكوا😋💕