نبدا اولا بتحضير المرق نحط قطع اللحم ونحط عليه بصل وسنات ثوم مع معدنوس مقطع ونضيف ملح وفلفل اسود وتوابل و م ك زيت ونحطها عالنار تتقلى ثم نضيف م ك طماطم مصبرة ونقلي ونمرق حتى يطيب اللحم وعلى جنب نحط راس شفلور في كسرونة كبيرة نضيف عليه ماء وم ص ملح ونخليه يطيب مليح

بعد ماطابلي الشفلور نمعسو بالشوكة مليح ونضيفلو معدنوس مقطع ونفس التوابل السابقة وسنات ثوم مرحيين ونخليه على جنب ونرجع للمرق تاعي بعد ماطاب اللحم نضيف حبات البطاطا نقطعها مكعبات ونغلق ونخليها تطيب

الخطوة التالية نخرج البطاطا من المرق ونمعسها مليح ونضيفها للشفلور ونخلط مليح ثم نضيف كمية المرق المتبقية للخليط وحبات الجبن الطري ونخلط الكل مليح ثم نجيب سينية فرن نفرغ فيها الخليط ونسويه مليح بالملعقة وندخلو الفرن يطيب

فالاخير نشعلو من فوق ونحط قطع اللحم تاعي ونخليه حتى ياخذ اللوز الذهبي ونطفي عليه