نبدا اولا بتقطيع البصل واللحم والجزر والفلفل الى قطع صغيرة

نجيب مقلاة نحط فيها زيت ونحطها عالنار ثم نحط البصل ونخليه يذبل حتى يتبدل اللون تاعو ثم نضيف اللحم المقطع ونقلبو مليح ونخليه حتى يجفلو الماء تماما ثم نضيف م ك طماطم مصبرة والجزر مقطع رقيق ونخلط الكل مع بعض

الخطوة التالية نحط م ص ملح والفلفل الاسود والزنجبيل والعكري الحار والفلفل الحلو المقطع رقيق ونخلط الكل مليح مدة دقيقة ثم نصب كاس ماء ونخليها تطيب مليح

نرجع للبطاطا تاعي ونحطها تتسلق حتى تطيب ثم نقوم بهرسها ونحط عليها ملح وفلفل اسود ومعدنوس مقطع ونخلط مليح وم ك زبدة انا ظفت حتى جبن مبشور ونخلطها مليح ونخليها تبرد

بعد ماطاب الحشو نخليه ينشف تماما ثم نجيب سينية زجاج تدخل الفرن يفضل تكون مستطيلة ندهنها بالزيت ونفرغ عليها كمية من الخبز المرحي ونفرغ عليه ثلث كمية البطاطا ونسويها مليح

الخطوة الاخيرة نفرغ خليط الدجاج عالبطاطا تاعي ونسويه مليح ثم نكور باقي البطاطا لي خليها الى كرات ونحطهم فوق الدجاج )للاسف انا البطاطا ماكفاتنيش باه نغطي سطح الدجاج )ثم نطيب بشاميل خفيفة ونفرغها عالخليط تاعي ونرش عليها جبن مبشور وندخل الطبق للفرن يطيب(حطيت نصف كاس حليب مع م ك فرينة ورشة ملح ونخلطت بارد في بارد وحطتيها عالنار كي تبدا تغلي نطفي النار)

فالاخير هذا شكل الطبق تاعي نخرجو من الفرن ونرش عليه معدنوس مقطع ثم نجيب صحن التقديم ونقطع كل 4كرات بطاطا مع بعض جاء بزااااف بنين نتمنا تجربوه