نبدأ اولا بتحضيرصوص الدجاج نضع قطع الدجاج في قدر ونحط م ك زيت ثم نحط ثوم مرحي او مقصوص شرائح ونقليه مليح ثم نحط ملح وفلفل اسود وزنجبيل وعكري حلو ونقلي مليح ثم نحط حبات الطماطم مرحي ومعدنوس

نقلي الدجاج مليح ثم نمرق بالماء ونخليها تطيب

نرجع للارز تاعي نجيب كاس ونصف ارز مفور ونغسلو مليح ثم في كسرونة نحط م ك زيت وم ك زبدة ونحطها عالنار ثم نفرغ عليه الارز تاعي ثم نحط حبات قرنفل وعود قرفة وم ص كركم وملح ونقلي مليح ثم نضيف ضعف الكمية تاع الارز ماء مغلي ونخليه يطيب

الخطوة التالية نخلي الارز ينشف من الماء كامل ونرجع للمرق تاعي نفتح الطنجرة ونجيب مقلاة نقلي فيها الدجاج تاعي حتى يتحمر مليح

فالاخير نجيب صحن التقديم نفرغ فيه الارز تاعي وهو سخون ثم نحط الدجاج المحمر ونفرغ كمية من الصوص عليه ونقدمو مع صوص الدجاج على جنب جاء بزاف بنين وخفيف