نبدا بسم الله ونجيب صحن زجاجي نحط فيه كاس زيت وكاس سكر ناعم ونضيف 2بيض ورشة ملح وم ك فانيلا ونخلط مليح ثم نضيف 2 م ك معجون

بعد. ذلك نضيف 3م ك قوفريط مرحي ونخلطو مليح ثم نحط 2كاس فرينة فالاول مع كيس خميرة الحلوى ونخلط ونضيف باقي الفرينة ندريجيا حتى نتحصل على عجينة تلتصق باليد ونخليها ترتاح مدة 5د

الخطوة الموالية نكور العجينة الى كرات انا ماستعملتش الميزان خدمتها عيني ميزاني وكورتها كامل ثم جبت سينية فرن رشيتها بالفرينة وشكلت هليلات تاعي وحطيتها فالسينية ثم ندخلها الفرن تطيب من تحت ون شعللها من فوق ثم نخرجها ونخليها تبرد

فالاخير نذوب شكولا على حمام مائي ونغطس نصف حبة الهليللت بالشكولا والنصف الاخر دهنتو بمعجون مخفف بماء زهر ورمدتو فالقوفريط