نبدا بسم الله ونحضر العجينة تاعي في ريسبسيون نحط 3كاس فرينة ونضيف م ك سكر وم ك خميرة الخبز وم ص ملح ونخلط ثم نضيف ربع كاس زيت ونخلطها مليح ثم نلمها بكاس حليب دافي حتى تتلم ونغطيها ونخليها تختمر

نرجع نوجد الحشو تاعي نقطع بصلة رقيقة الى قطع والطماطم مربعات صغار ثم نبرش الجريوات وسنات ثوم ونحط مقلاة فيها زيت ونحطها عالنار ونحط اابصل وسنات ثوم وفلفل حلو مقطع ونقليهم مليح ثم نضيف الطماطم والملح ومن بعد نحط م ك طماطم مصبرة ونقلي مليح ونخلي الكل يطيب حتى تنشف

الخطوة التالية نرجع للعجينة تاعي ونقسمها الى 2كرات ونبدا نرش طاولة العمل بالفرينة ونحل الكرة الاولى الى مستطيل ونحط كمية من الحشو فالمنتصف ثم فوقها حبة بيض مسلوقة نبرشها

نرجع نحط حبات جبن مثلثات فوق البيض ونبدا نغلق كما فالصورة

نكمل الكرة الثانية بنفس الطريقة ونحطهم فوق ورق الطهي في سينة فرن ونسويهم مليح ونخليهم يختمرو مليح ثم نجيب سكين ونشكل خطوط شكل مثلثات وندهنها بصفار البيض مليح ونزيينها بسينوج ومعدنوس مقطع وندخلها الفرن تطيب

فالاخير نخرجها من الفرن ونقصها مثلثات ونقدمها في صحن التقديم جات بزااااف خفيفة وبنينة نقدمها مع حساء او ممكن نقدمها لوحدها مع مشروب غازي

شكل الفطيرة النهائي