نبدا اولا بتحضير الخضىروات ونقص اابصل تاعي قطع رقيقة ثم نقص البطاطا شرائح ونقص السلق

نجيب 2مقلاة نحط فالاولة م ك زيت ونحطها عالنار ثم نقلي البصل مليح حتى يذبل ونضيف عليه السلق تدريجيا ونحط الملح والفلفل الاسود وسنات ثوم ونقليهم مليح حتى يطيبو والمقلاة الاخرى نحط زيت ونقلي لبطاطا تاعي شرائح ونخليه على جنب وبعد ماطاب ااسلق نضيفلو علبة تونة طماطم اختيارية

نجيب مول خاص بالكيش ندهنو بالزبدة ونفرش ااطبقة الاولى بطاطا ثم نضيف نصف كمية السلق ونسويها مليح ثم طبقة ثانية من البطاطا ونضيف النصف المتبقي من السلق

المرحلة الثانية نحضر بشاميل خفيف بالزيت بدل الزبدة ونحط ربع كاس زيت وم ك مليح فرينة ونحمصها مليح فالزيت عالنار ونبدا نضيف فالحليب تدريجيا حتى تعقد ونحط عليها رشة ملح ورشة فلفل اسود

الخطوة التالية نفرغ البشاميل على سطح المول تاعي ونسويها مليح ونحط عليها جبن مبشور (انا ماكانش عندي حطيت جبن مثلثات) وندخل القراتان تاعي الفرن حتى ياخذ اللون الذهبي

فالاخير شكل الطبق تاعي جاء بزااااف بنين