نبدا اولا بسم الله ونجيب صحن زجاجي نحط فيه 2حبات بيض ورشة ملح وم ك فانيلا ونخلط ثم نضيف كاس سكر ونطلعهم مليح حتى يبياض الخليط تاعي ثم نضيف نصف كاس زيت بالتدريج ونواصل الخلط ثم نبدا باضافة كاس القهوة تدريجيا ونواصل الخلط

نكمل بقية كاس القهوة وتكون ثقيلة ونخلطها مليح ثم نبدا نضيف فالفرينة وكيس خميرة الحلويات ونخلط مليح بعد مااختطلت مليح نطفي الباتور ونخلطها بسباتيل ونضيف نصف علبة شكولا مقطعة رقيقةوندخلها فالخليط مليح

نجيب مول ندهنو بالزبدة ونرشو بالفرينة ونفرغ الخليط تاعي ونسويه مليح ثم نرش من فوق م ك كاوكاو محمص ومرحي وندخلها الفرن نكون سخنتو من قبل ونخليها تطيب من تحت ثم نطفي ونشعللها من فوق تتحمر فقط ونخرجها

نقلب الكيكة تاعي مباشرة في صحن ونخليها تبرد ثم نذوب شكولا سوداء على حمام مائي ونضيفلها م ك شكولا الطلي وم ك زيت ونخلطها مليح ونفرغها عالكيك تاعي وعالجوانب ونزينها من فوق بالكاوكاو وفارميسال شكولا وورق ذهب