نبدا اولا بسم الله ونحضر المرق تاعي نجيب طنجرة نحط فيها قطع الدجاج وقطع القديد ونحط عليهم بصل وسنات ثون مرحيين ونضيف الملح والفلفل الاسود والعكري الحار والحلو والزنجبيل وم ك زيت ونحطها عالنار تتقلى مليح ثم نحط اكمشة حمص ونقلي مليح ونضيف م ك طماطم مصبرة ونقلي مليح

نمرق بالماء ونغلق ونخلي الكل يطيب ثم نرجع للعيش تاعي نسومو بالماء مليح ثم نحطو في قصعة ونخليه ينشف ثم نجيب كسكاس ونحطو فيه ونحطو يفور على القدر بعد ماطابلي شوي نفتح الطنجرة ونضيف حبات البطاطا وحبات الجزر وحبات الفول اليابس ونعاود نغلق ونخليهم يطيبو

بعد مايفور المرة الاولى نزلو ونسقسيه بالماء ونخليه ينشف ونعاود نرجعو يفور قداه من مرا ثم نخيه ونحطو فالقصعة بعد ماطابلي المرق نحط كمية الغيش في كسرونة ونصب عليه كمية من المرق بعد ماضفتلو كيس حليب ونحطو عالنار حتى يتشرب المرق تاعي

فالاخير نقدمو في صحن التقديم نحط العيش المرنخ ونزينو بالحمص والفول وحبات البطاطا ونصب عليه كمية من المرق جاء بزاف بنين وحار يوالم البرود