نبدا بسم الله ونجيب صحن واسع ونحط 3بيض مع رشة ملح ونصف كاس سكر ومبشور ليمونة ونخلطها بالباتور مليح حتى يبياض الخليط ثم نضيف كاس الاربع زيت ونخلط مليح

ثم نضيف كاس الاربع حليب دافي ونخلط ثم نطفي الباتور ونجيب 2م ك كاوكاو محمص ومرحي و 2م ك فرينة ونخلط باسباتيل

الخطوة الموالية نضيف كاس ونصف سميد متوسك و2كيس خميرة الحلويات ونخلط مليح انا لقيتها شوي خفيفة زدتلها 2،م ك سميد ونغطيها مدة 5د ثم عاودت خلطت السميد مليح وجبت مول يدخل الفرن دهنتو بالزيت ورشيتو بالسميد

نفرغ الخليط فالمول ونسويه مليح ثم ندخلها الفرن مسخنا مسبقا حتى تطيب من تحت ثم نشعللها تتحمر من فوق ونخرجها مباشرة ونكون حضرت الشاربات تاعي (انا كانت عندي من قبل متوفرة) نفرغ الشاربات باردة عالبسبوسة ونشربها مليح

فالاخير نقصها الى مربعات ونزينها بحبات شكولا ملونة وكاوكاو مرحي