نجيب قدر ونحط فيه قطع دجاج ونحط عليهم بصل وسنات ثوم مرحين والملح والعكري حلو والفلفل الاسود ونحط م ك زيت ونحطها عالنار تتقلى مليخ ثم نضيف الحمص وحبات جزر ونقلي مليح ونحط الطماطم المصبرة ونقلي الكل مليح

نقلي مليح ونمرق بالماء ونجيب الشخشوخة تاعي نفرغها في قصعة ونحط عليها م ك زيت

نحط الشخوخة تاعي في كسكاس ونحطها تفور ثم نفرغها فالقصعة ونضفلها الماء بالتدريج ونرجعها تفور حتى ترجع طرية وفالاخير نضيفلها م ك زبدة وبعد مايطيب المرق نحي اللحم تاعي نحمرو ونجيب كسرونة نحط فيها الشخشوخة ونضيفلها المرق ونخليها تتجمر مليح

فالاخير نقدمها في صحن التقديم ونزينها بالجزر وحبات الحمص ونحط اللحم لي حمرتو على جنب جات بزاف بنينة وحارة نتمنا تجربوها