نبدأ بسم الله ونجيب نصف صدر نرحيه ونضيفبو الملح والبصل لي رحيتو والزنجبيل والفلفل الاسود والعكري الحلو ونخلط ثم معدنوس مقطع رقيق ثم نضيف الشابلير ونخلط مليح ثم نجيب اسياخ الشواء ونبدا نبل يدي ونشكل حبة كباب نشكلها مليح ثم ننزعها من السيخ ونحطها فوق لوح تقطيع حتى نكمل كامل الكمية

بعد ذلك نحطهم في الثلاجة مدة نصف ساعة ونرجع للارز تاعي نحط الماء في كسرونة يغلي نضيفلو ملعقة كبيرة كركم وم ص فلفل اسود وملح وكي يبدا يغلي نحط نصف كاس ارز ونخليه يطيب ونرجع نحط مقلاة على النار بها قليل من الزيت وونبدا نحط حبات الكباب تاعي نقليها ونقلبها حتى تتحمر على الجهتين

الخطوة الموالية نجيب صلصلة طماطم جاهزة ونفرغها في نفس المقلاة لي قليت فيها الكباب ثم نحط حبات الكباب فيها ونخليها تتشرب الصلصة ثم نرجع للارز تاعي نصيفيه ونشكل في صحن دائري ونقلبو مباشرة في صحن التقديم ثم نجيب حبات الكباب ونستفها على جنب

فالاخير نفرغ كمية الصلصة لي بقات في المقلاة بجانب الكباب ونحط القليل منها فوق الارز والف صحة جاء بزااااف بنين