نبدا اولا بتحضير الحشو ونحط فالمقلاة م ك زيت ونحط بصلة مقطعة رقيق وحبات طماطم وملح وفلفل حار مقطع رقيق ونضيف الملح والفلفل الاسود ونخليها تتقلى حتى تطيب مليح ثم نرحي الطماطم بالميكسار

ثانيا نحضر العجينة ونحط في صحن زجاجي الحليب والماء دافيين ونحط السكر والخميرة ونخلط مليح ثم الزيت ونضيف م ك خل ابيض ثم نبدا باضافة الفرينة حتى تتلم العجينة نغطيها ونخليها تختمر مليح

بعد مااختمرت نعجنها ونقسمها على اثنين نشكلها كرات ونحل الكرة الاولى ونجيب سينية فرن ندهنها بالزيت ونحطها فالسينية ونفرغ كمية الصلصلة على العجينة

بعد ذلك نبرش حبات البيض على الطماطم ونحط زيتون اخضر مقطع شرائح وكمية من الجبن المبشور ثم نحل الكرة المتبقية ونحطها على الحشو تاعي ونغلقها مليح ثم نفرغ باقي الصلصة عليها ثم نبرش كمية من الجبن المبشور من فوق ونحطها فالفرن

نخرجها من الفرن ونقطعها الى مربعات ونخليها تبرد ثم نقدمها مع شربة او حساء خضار جات بزااف بنينة