نبدا اولا ونقطع السكالوب تاعي بالطول ونحطو في صحن ونوجدلو التتبيلة تاعو نضيف عليه م ك خل مع م ك زيت وم ص طماطم وم ص عسل ثم نحط الفلفل الاسود والزنجبيل والعكري الحلو والكركم ونخلط مليح ثم نضيف سنات ثوم مرحيين نخلط مليح ونحط نصف كاس ماء نخلطهم ونخليه يرتاح حوالي 10د

نجيب مقلاة نحط فيها م ك زبدة ونخليها تذوب ثم نحط االسكالوب تاعي يتقلى ونغطيه ونخليه يطيب

الخطوة التالية نحي الدجاج تاعي بعد ماطاب وفي نفس المقلاة نحط ماء البطاطا المغلية ثم نضيف عليه نصف كاس حليب ونضيف جبن طري ونخلي الكل يغلى حتى يذوب الجبن ويبدا يثقال الخليط

نضيف قطع السكالوب المقلية الى صوص تاعي ونخليه يتشرب مليح ونضيف عليه معدنوس مقطع ونطفي النار

فالاخير نقدمو في صحن التقديم جاء بزاااااف بنين مع هذيك الصلصلة قدمتو مع بطاطا بيري (توضيح فقط الماء لي غليت فيه البطاطا هو لي احتفظت بيه وعملتو في هذيك الصلصة ثقلتها لانو غني بالنشاء)