قوارب البطاطا المحشية
إفتح في تطبيق كوكبادالخطوات
- 1
نبدا اولا بتحضير البطاطاا نجيب 3حبات نقشرهم ونغسلهم مليح ثم ننزع قليل من البطاطا من الاسفل باه نشكل قاعدة ثم نرجع من فوق وننزع جزء منها ونجيب ملعقة خشينة ونبدا نحفر البطاطا تاعي ونحتفظ بالبطاطا لي نحيتها من الوسط ونحط البطاطا المحفورة في كسكاس ونحطها تفور
- 2
نجيب نصف صدر دجاج نرحيه ونضيفلو حبة بصل مرحية ونخلط ونحط الملح والفلفل الاسود وراس الحانوت والزنجبيل ونخلط مليح ثم نجيب مقلاة نحط بيها فالاول م ك زيت ونحط الدجاج تاعي يتقلى مليح
- 3
بعد ماطاب الدجاج نضيف عليه هذيك البطاطا بعد مانكون رحيتها وقطرتها من الماء تاعها ونحركهامليح ونغطي ونخليهم يطيبو ثم نضيف عليهم زيتون اخضر مقطع ونضيف 2م ك زيت ونخليهم يطيبو
- 4
نرجع للبطاطا تاعي بعد مافارت نطفي عليها ونخليها تبرد ونجيب صحن نحط فيه م ك زيت وملح وفلفل اسود وراس الحانوت وعكري حلو ونخلط وندهنهم بالفرشاة مليح ثم نجيب مقلتة اخرى نحط فيها م ك زيت ونحطها عالنار نضيف سنات ثوم مرحيبن وم ك طماطم مصبرة ونقليها مليح ثم نرحي حبة طماطم ونضيفها عليهم ونحط ملح وفلفل اسود وعكري حلو ونخلط
- 5
نضيف القليل من الماء ونخلي الصلصة تطيب ثم نجيب مول يدخل الفرن نفرغ فيه كمية من الصلصة ثم نحط البطاطا تاغي بعد مانكون حشيتها مليح بالحشو لي حضرتو وندخلهاالفرن تطيب من تحت
- 6
بعد مرور 10د نفتح الفرن ونحط عليها جبن مبشور وحبة فلفل حار ونرجع نغلق الفرن ونخليها تكمل طياب نطفي عليها من تحت ونشعللها من فوق تتحمر ويذوبلي الجبن
- 7
فالاخير نخرجها ونقدمها في صحن التقديم جات بزااااف بنينة تقدم ساخنو نقسمها بسكين ونقدمها مع هذبك الصلصلة لي ثقالت وجات هايلة
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات (4)