نبدا اولا بسم الله ونجيب صحن زجاجي نحط فيه كاس الا ربع سكر مع نصف كلس ماء زهر ونخلط مليح بالخلاط الكهربائي حتى يذوبلي السكر ثم نضيف عليه كاس وربع زيت ونواصل الخلط

نبدا باضافة 3م ك نشاء مع 3م ك معجون للمشمش وم ص فانيلا ونخلطهم مليح ثم نبدا نضيف الفرينة و2كيس خميرة الحلوى

نخلط الفرينة حتى نتحصل على عجينة طرية نلمها مليح ثم نجيب سينية تدخل الفرن ندهنها بالزبدة ونرشها بالفرينة ونحط العجينة تاعي

نخبز العجينة تاعي فالسينية ونسويها مليح ونثقبها بشوكة وندخلها الفرن تطيب من تحت ثم نشعللها تطيب من فوق حتى تتحمر ونخرجها ونكون ذوبت شكولا بالحليب على حمام مائي زدتلها م ك زيت وم ك شكولا الطلي اوتيلا

فالاخير نفرغ الشكولا عالحلوى تاعي نسويه مليح ونخليها تبرد ونجيب ملون غذايئ سائل ونرشو بالفرشاة على وجه الحلوى

تحصلت فالاخير على حلوى جافة بذوق ماء الزهر جات هايلة وهشيشة تذوب فالفم