نضع في قصعة كيلات الفرينة نضيف رشة ملح والخميرة الحلويات وفانيليا نخلط باليد نبسس بالكيلة سمن وزيت نبسس عن طريق الأكفف اليد ثم نضيف حبة البيض بالغربال نغربل مليح مليح بستعمال اليد في قصعة اخرى. ثم نرش بالماء والماء الزهر نجمل العجينة بستعمال اصابع اليد فقط ونتركها ترتاح مدة 25 دقيقة.

في هذه الأثناء في ايناء كسرونة نضع كأس سكر مع كأسين ماء ونضعه على النار حتى تثقال مدة 15 دقيقة ونطفي. النار.

بعد ارتياح العجينة تحليها بستعمال الآلة التوريق اذا معندكش استعملي الحلال وفتحي العجينة ورشي عليها نشاء وطبقيها وبعد عاودي حليها جيدا وعاودي رشي عليها نشاء وعاودي طبقيها ثم حليها وطبعي بالطابع اذا معندكش استعملي كرتونة مستطيلة وطبعي بيها ديري خطوط عديدة وطبقي وعاودي طبقي وافتحي الوسط ودخلي الجزء العلوي فيها وارمي في الزيت يكون ساخن وبعد عسليه ورشي عليه الجلجلان.

شهية طيبة ❤