إفتح في تطبيق كوكبادالخطوات
- 1
نبدا اولا بتخضير العجين نجيب ريسبسيون نحط كاس حليب دافي ونصف كاس ماء دافي ونحط 3م ك سكر وم ك خميرة الخبز ونخلط ثم نحط 4م ك زيت و2م ك زبدة ذايبة وباردة ونخلط ثم نحط كاس فرينة ونخلط
- 2
نواصل في اضافة الفرينة انا ضفت 4كاس فرينة وم ص فلنيلا وم ص ملح وم ص خل ابيض وم ص خميرة كيميائية ونخلط ونلم مليح حتى نتحصل على عجينة طرية نوعا ما ونغطيها بورق شفاف حتى تختمر بعد الاختمار نرش طاولة العمل فالفرينة ونشكلها حربوش دون ماعجنها
- 3
نحل العجينة بالطول ونلفها اللفة الاولة والثانية ونغلقها مليح ونشكلها حربوش
- 4
نقص العجينة الى 6ونشكلهم كرات ونبدا نرش طاول. العمل بالفرينة ونحل الكرة الاولى
- 5
الخطوة التالية نذوب كمية من الزبدة ونبدا نحل الكرة الثانية وندهن العجينة الاولى بالزبدة ونحطها فوقها العجينة الثانية هك حتى نكمل كامل الكرات الكرة السادسة ماندهنهاش بالزبدة ونغطيهم ونخليهم يرتاحو 10د بورق شفاف
- 6
نجيب سينية فرن ونحط فيها ورق الطهي ونرش طاولة العمل بالغرينة ونبدا نحل العحينة تاعي بالحلال مليح ثم نقلبها عالجهة الاخرى ونواصل الحل ثم نقص الزائد ونقطعها الى مستطيلات او مربعات ونحط م ك شكولا الطلي ونغلق دون الضغط عالعجينة حتى نكمل كامل الكمية
- 7
فالاخير ندهن الحبات بالبيض مخلط معاه قوة ثقيلة او نسكافي ونسخن الفرن وندخلو يطيب من تحت ثم نشعلو من فوق ياخذ اللون الذهبي ونخرجو والتزيين اختياري انا دهنتهو بالمعجون ورشيت عليه سكر ناعم والسينية الثانية رشيت عليها شكولا فارميسال قبل مانطيبها
- 8
شكل البريوش تاعي جاء خفيف وقطني
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات