بريوش رولي محشي شكولاطة
إفتح في تطبيق كوكبادالخطوات
- 1
نبدا اولا بسم الله ونجيب اناء زجاجي نحط فيه كاس حليب دافي ونحط 3م ك سكر وم ك خميرة الخبز ومبشور البرتقال وحبة بيض وم ص فانيلا ونخلط مليح ثم نضيف الزيت م ص خميرة كيمائية وم ص ملح ونخلط ونبدا نضيف فلفرينة بالكاس ونخلط حتى تتلم العجينة
- 2
نلم العجينة مليح ونغطيها بورق شفاف و نخليها تختمر
- 3
بعد الاختمار نرش طاولة العمل بالفرينة ونبدا نحل العجينة تاعي مستطيل ثم نجيب م ك زبدة ونحطها عالعجينة ونحل الزبدة بظهر الملعقة وندهن كامل العجينة ونبدا نلوي العجينة حتى نتحصل على حربوش
- 4
الخطوة الموالية نطوي الحربوش تاعي الى اثنين ثم نزيد نطويه كيما فللصورة ونغطيها بورق شفاف ونخليه يرتاح مدة نصف ساعة ونوجد الشكولا تاعي انا استعملت شكولا منى قصيتها رقيقة
- 5
بعد ماارتاحت العجينة نرجع نرش طاولةالعمل بالفرينة ونحل العجينة تاعي الى مستطيل ونرش عليه 2م ك سكر ونمشيه مليح فالعجينة ثم نرش الشكولا لي قصيتها في كامل العجينة ونبدا نلم من جديد ونشكل حربوش ونغلقو مليح من الاسفل ثم نجيب خيط ونبدا نقص الحبات تاعي حتى نكمل راح نتحصل على 15قطعة
- 6
نحط القطع تاعي فوق ورق طهي ونخليها تختمر مجددا وندهنها بصفار البيض وندخلها الفرن نكون شعلتو مسبقا ونخليها تطيب من تحت ثم نشعلو من فوق يتحمر مليح ونخرجو ونخليه يبرد نحطو فوق طرشونة
- 7
فالاخير هذا البريوش تاعي جاء خفيف يشهي
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات (4)