نبدا بسم الله ونجيب طنجرة ونحط فيها م ك زيت ونحط نصف صدر دجاج مقطع ونحط عليه الملخ ونبقا نقلب فيه حتى ينشف منو الماء ومن بعد نزيد 2م ك زيت ونبقا نقلي فيه حتى يتحمر ونقطع البصل تاعي شرائح ونقطع البطاطا

بعد ذلك نبقا نقلب فاللحم حتى يتحمر ونحيه من الطنجرة ونحتفظ بيه ونخلي هذيك البقايا فالطنجرة

الخطوة التالية نحط البصل شرائح وسنات ثوم ونحط الملح والفلفل الاسود والزنجبيل والكركم. ونقلي مليح حتى يذبل البصل ثم نمرق ب2كاس ماء ساخن ونغلق ونخليها تطيب

بعد ماطابت المرق نجيب البرا ميكسار ونرحي البصل ومن بعد نحطو عالنار يثقال ثم نجيب مقلاة فيها زيت ونقلي البطاطا تاعي ثم نقلي حبة طماطم وحبة فلفل حار

فالاخير نجيب صحن تقديم ونحط فيه البطاطا تاعي ونحط اللحم لي قليتو فالطنجرة فوق البطاطا ونحط الطماطم المقلية وفلفل الحار على جنب ثم نجيب المرق تاعي ونسقي بيه البطاطا والدجاج واش نقلهم جات بنينة بزاف عشاء خفيف بزاااااف وسهل التحضير