نبدا اولا بوضع البيض في صحن زجاجي مع رشة ملح ونخلطو بالباتور ثم نضيف السكر ونواصل الخلط ثم نضيف الزيت ونواصل الخلط حتى يبياض الخليط

ثانيا نضيف م ك فانيلا وم ك عسل ونصف كاس نشاء ونخلط مليح حتى نتخصل على خليط ثم نضيف فالاول 2كاس فرينة مع كيس ونصف خميرة كيميائية ونخلط حتى نتخصل على خليط ثقيل نوعا ما

ثالثا نقسم الخليط تاعي على2 ونرجع للخليط الاول نضيفلو الفرينة انا ضفتلو تقريبا كاس ونص ونلم العجين مليح ونحطو في كيس بلاستيكي

رابعا نرجع للخليج الثاني نضيفلو 2م ك كاكاو ونخلط ونضيف الفرينة حتى نتحصل على عجينى طرية نلمها ونحطها في غلاف بلاستيكي

الخطوة الموالية نشكل العجينة البيضاء الى حربوش ثم نقسمو على2ونفس الشي مع العجينة البنية ثم نجيب كل حربوش ونحلو ونحط حربوش ابيض بجنب حربوش بني ومن فوق نحط حربوش بني من الحربوش الابيض والحربوش الابيض فوق الحربوش البني نضمنها مليح

ثم نبدا نلوي الحرابش تاعي مليح ونخلط الالوان ونلوي ثلات مرات او اكثر ونطبق ونرجع نلوي ثم نجيب سينية فرن نحط عليها ورق الطهي ونشكل 3حرابش نحطهم فالسينية وندخلهم الفرن مسخن مسبقا حتى يطيب من تحت ثم نشعلو من فوق ونخرجو ونخليه يبرد تماما

نذوب شكولا منى بالحليب في حمام مائي ونغلف بيها الكروكي تاعي ونزينو بورق ذهب وورق الشوش ونخليها تجمد ونقصو الكروكي تاعي

الشكل النهايئ للكروكي تاعي جاء بزاف بنين وشكلو برستيج يختلف عن الكروكي العادي

الوصفة من قناة ام يارا