نبدا بسم الله ونحط البطاطا تاعي تغلي فالماء وبعد ماتطيب نريحها بالشوكة مليح ونرجع لنصف صدر دجاج نرحيه و نحطو فالمقلاة يطيب 90بالمية فقط ثم نحطو في صحن ونضيف عليه معدنوس مقطغ وسنة ثوم مرحية ونحط عليه البطاطا المغلية لي رحيتها ونضيف عليهم فلفل اسود وكركم وزنجبيل ونخلطهم مليح ثم نضيف حبة بيض و2م ك شابلير ونخلط الكل مليح

بعد ذلك نوجد صحن نحط فيه 2بيض نخلطهم مليح وصحن فيه شابلير وصحن اخر فيه كمية من الفرن ونبدا نشكل الدونات تاعي نشكلها فالاول كرة نحلها عاليد

ثالثا نرمد الكرة تاعي فالفرينة من كل الجوانب ونحطها في خليط البيض ثم في الخبز المرحي ونغلفها مليح ونشكل حفرة فالوسط ونشكلها مليح ونحط الحبات فوق لوح تقطيع هكا حتى نكمل كامل الخليط

نجيب مقلاة نحط فيها زيت ونحطها عالنار ونبدا مقلي حبات الدوناتس ونقلبهم حتى يتحمرو ثم نحمرهم من الجوانب ونحيهم ونحطهم على ورق ماص ونجيب جبن نقصو اي شكل انا شكلتو قلب ونزينو بالجبن وحبات زيتون

فالاخير نقدم كمية من الدونات شكل مقبلات اما الحبات الاخرى قدمتهم مع مرق احمر بالحمص وزينتهم بالمعدنوس المقطع