نحط البطاطا تغلي فالماء حتى تطيب ثم نقشرها ونقطع قطع صغار ثم نحط م ص ملخ ورشة فلفل اسود وحبات الجبن ثم نوجد الكبد تاعي نغسلو ونقطعو قطع صغار

نجيب خلاط كهربائي ونبدا نخلط حتى تولي كريمة متماسكة كما فالصورة نضيفلها الملح اذا كانت ناقصة ثم نجيب مقلاة نحط فيها قليل من الزيت ونحطها عالنار ونقلي الكبدة تاعي

نجيب صحن تقديم ونجيب كيس حلواني (بوش)ونحط لدوي لي نحبها ونفرغ البيري تاعي فالكيس ونبدا نشكلها وردات حتى نكمل ثم نجيب الكبدة المقلية نحطها فالوسط ونرجع للمقلاة نفسها نحط فيها م ك ياؤورت طبيعي ورشة ملح ونخلطها مليح عالنار حتى تولي ثقيلة على شكل صوص

اخيرا نزين البيري تاعي بالصوص ونفرغ لي بقات فوق الكبدة تاعي والف صحة وعافية