نبدا بسم الله ونحط البطاطا تاعي تغلي وكي تطيب نقشرها ونجيب قطع الدجاج نمارينيهم نحط عليهم الطماطم والياؤورت والملح والفلفل الاسود والكركم والزنجبيل والملح والزيت ونخلط مليح ونخليهم حوالي ساعة

نجيب كوكوطة نحط فيها م ك زيت ونفرغ هذاك الدجاج فيها ونحطها عالنار ونخليه يتقلى على نار هادئة ثم نسخن كاس ماء لدرجة الغليان ونفرغو فالصحن لي كان فيه دجاج ثم نقص البطاطا تاعي قطع صغيرة نضيفلها الحليب والملح وجبن طري ونرحيها بالباتور مليح

ثالثا نفرغ كاس الماء الساخن في الطنجرة ونغلق عليها حوالي 10د بين ماطاب الدجاج ونجيب مول دائري نفرغ فيه البطاطا تاعي ونقص جبن طري عليها ومن جهة نطفي عالدجاج تاعي

اخيرا نفرغ كمية من المرق فوق البطاطا ونحط قطع الدجاج وندخلها الفرن تتحمر وفالاخير نطفي عليها ونزينها بورقة معدنوس جات بزاف خفيفة وهايلة