نبدا بسم الله ونجيب وعاء كسرونة لتحضير الشربات نحط 2كاس سكر مع 4كاس ماء وشريحة برتقال ونخلطهم ونحطها عالنار حتى تغلي ونحسب 12د بعد الغليان ونطفي عليها ونخليها تبرد ثم نبدا نحضر خليط البسبوسة نجيب وعاء كبير نحط فيه البيض ورشة ملح ونصف كاس سكر ونخلطو مليح ثم نحط كاس الاربع زيت ومبشور البرتقال ونخلط

بعد ذلك نضيف نصف كاس عصير البرتقال مع ثلث ارباع كاس حليب ونخلط مليح ثم نجيب 2كاس سميد متوسط ونخلط مليح ونضيف 2م ك فرينة ونخلط مليح ونضيف 2كيس خميرة كيميائية ونغطيه لمدة 5د ثم نجيب مول يدخل الفرن ندهنو بالزيت ونرشو بالسميد ونخرج الخليط تاعي يطيب

بعد ماتطيبلي من تحت نشعللها من فوق ونخليها تتحمر مليح ثم نطفي النار ونشربها مباشرة بالشاربات تاعي ونخليها تتشرب مليح ثم نقسمها الى مربعات

فالاخير نزين حبات البسبوسة بحبة كاوكاو وقليل من الشامية على الجوانب ويبقا التزيين اختياري