نبدا اولا بسم الله ونرحي اللحم تاعي نحطوعلى جنب ثم نجيب راس الشفلور نقصو وريدات انا استعملت نص راس فقط ثم نرحيه ونخلطو مع الدجاج المرحي ونحط الملح والفلفل اباسود والعكري الحلو وراس الحانوت وحبة بيض والشابلير ونخلط مليح

بعد ماخلطو نضيف المعدنوس المقطع ثم نبدا نشكل فيه صبيعات نرمدهم فالشابلير ونحطهم فالثلاجة مدة ساعة يتماسكو ثم نخرجهم ونجيب مقلاة فيها زيت نحطها عالنار ونبدا نقلي الصبيعات تاعي على نار متوسطة ونقلبهم عالجهتين حتى يطبيو ونحطهم فوق ورق ماص

نرجع نحضر الصلصلة تاعي نحط في مقلاة نظيفة م ك زيت ونرابي عليها سنات ثوم ونقلي مليح ثم نحط حبة طماطم مسكرفجة

بعد ذلك نقليها مليح ونحط الملح ورشة فلفل اسود ونمرق بالماء ونخليها تطيب ثم نطفي ونجيب مقلاة اخرى نحط فيها كمية من الصلصة ونحط الصبيعات تاعي

فالاخير نحط عالصبيعات كمية من المرق من فوق ونحط جبن مبشور عليها ومعدنوس مقطع ونقدمهم في صحن التقديم جاو بزااااف بنان نتمنا تجربوهم

الشكل النهائي لي طبق تاعي جاء بنين وماكانش فيه طعمة الشفلور ابدا