نبدا بسك الله ونحضر العجينة تاعي نحط في صحن كاس ماء دافئ وكاس حليب دافئ و6م ك سكر و2خميرة الخبز ونخلط مليح ثم نضيف 2كاس فرينة فالاول ونخلط مليح ونغطيها ونخليها تختمر مدة 5د

بعد مامرت 5د نضيفلها حبة بيض وفانيلا والزيت ونخلط مليح ثم نحط الملح والفرينة الباقية وم ص خميرة الحلوى

نلم العجينة تاعي حتى نتحصل على عجينة طريا نوعا ما نغطيها ونخليها تختمر مليح بعد مرور نصف ساعة نهبطلها الخمور وندلها ونقطعها الى قطع صغيرة حسب الرغبة

بعد ذلك نشكلهم كرات ونغطيهم بطرشونة ونخليهم يرتاحو ثم نرسم طاولة العمل بالفرينة ونبدا نحل كل كرية

نحل الكرة تاعي ونحط م ص شكولا الطلي اوبتيلا ونغلقها مليح وهم حتى نكمل كامل الكرات ونجيب ورق طهي نحطو في سينية ونحط حبات البريوش ونغطي عليها ونخليها تختمر مجددا بعد ذلك نجيب حبة بيض نحط معاها م ك فانيلا وم ك قهوة او نسكافي ونخلط مليح ونطلي بيهم البريوش تاعي

ندخل البريوش تاعي يطيب من تحت ثم نشعل عليه من فوق ونخرحو ونغطيه بطرشونة ثم نجيب عسيلة خفيفة نطلي بيها البريوش ونرش عليه سكر ناعم

أخيرا شكل البريوش تاعي جاء هايل وخفيف