نبدا بسم الله ونحضر المرق نجيب طنجرة نحط فيها بصلة وثوم مرحيين ونحط ملح وفلفل اسود وزنجبيل وراس الحانوت وم ك زيت ونقلي مليح ثم نحط كمية من الجلبانة ونقلي ثم نمرق بالماء ونخليها نطيب ثم نجيب الزرودية ونغسلها مليح ونقطعها وكمية من الجلبانة مغسولة ونحطهم يفورو في كسكاس حتى يطيبو ونضيف عليهم م ص ملح

نجيب نصف صدر دجاج نرحيه ونتبلو بالفلفل الاسود والزنجبيل ونخلط مليح ثم نبدا باضافة حبة بيض ونعجنو مليح

نجيب سينية فرن نحط فيها ورق طهي ونحط الدجاج المرحي ونسويه مليح كيما فالصورة ثم نرجع الجزر ونرحيه فالاشوار ونضيفلها م ص فلفل اسود و القليل من البيضة ونخلط مليح

بعد ذلك نرحي الجلبانة ونضيفلها م ص فلفل اسود وبيض ونخلط مليح ايضا ونرجع لسينية الفرن ونفرغ الزرودية المرحية بجانب اللحم ثم الجلبانة المرحية ونسويهم مليح وندخلهم الفرن يطيبو مليح ونطفي عالمرق تاعي بعد ماطاب

بعد ماطاب الشرائح الثلاث نخرجهم من الفرن ونخليهم يبردو ونجيب شريحة الجلبانة أولا وندهنها مليح بكمية من الجبن الطري ثم نحط شريحة الزرودية وندهنها كذلك بالجبن ونحط فالاخير قطعة الدجاج ونجيب جبن شرائح نحطو كيما فالصورة وندخلو الفرن مدة 5د يذوب فقط الجبن ونخرجو ونخليه يبرد تماما ونقطعو مثل طرونش الباتسري

فالاخير نزيتو بوردات من الجبن ومعدنوس ونجيب صحن التقديم نحط كمية من المرق والجلبانة ونحط طرونش المالحين من فوق ونزينو بصبيعات كفتة مقلية