نبدا بسم الله ونحط لتر حليب في كسرونة ونضيف عليه السكر والنشاء والكاكاو ونخلط بارد في بارد ونحطها عالنار حتى تثقال ونجيب صحن نحط فيه كمية من القهوة او النسكافي مخلطة بالماء

نرجع الكريمة تاعي نضيفلها شكولا الطلي ونخلط مليح ثم ملعقة الزبدة ونخلط مليح ونجيب مول مستطيل الشكل نغلقو بورق شفاف ونبدا نغطس فالبسكوي فالقهوة ونستفو فالمول

نحط فالاول 2طبقات فوق بعض من البسكويت ثم نفرغ عليه كمية من لكريمة ثم طبقة من البسكويت

بعد ذلك نحط كمية من الكريمة ثم طبقة اخيرة من البسكويت دون مانغطسو فالقهوة ونغطيه بورق شفاف من فوق وندخلها المجمد حوالي ساعتين ونرجع الكمية الكريمة لي بقاتلي ونغطيها بورق شفاف فالثلاجة حتى يلحق وقت استعمالها نخرجها ونخلطها مليح ونضيفلها علبة ياؤورت بنينة ونخلط مليح

بعد مرور ساعتين نخرج الطارط تاعي ونغلفها بكمية من الكريمة ونغطيلها الجوانب مليح ثم نجيب كاس شانتي نطلعو كاس من الكريمة ونخلطها مليح ونزينها عالجوانب وونحط حبات شكولا ملونة وحبات من الحلوى والشكولا وورث الذهب ونجيب لابوش نحط فيه كمية من شكولا الطلي ونكتب فيها

الشكل النهائي لطارط تاعي كل عام هو انا سعيدة وكل عام ونساء كوكباد بالف خير