كرات البطاطا بالدجاج
إفتح في تطبيق كوكبادالخطوات
- 1
نبدا بسم الله ونحضر المرق تاعي ونجيب طنجرة نحط فيها قطع دجاج وبصل وسنات ثوم مرحيين ونحط ملح وعكري حلو وزنجبيل وم ك زيت ونحطها عالنار تتقلى مليح ثم نضيف الحمص المشمخ ونقلي ونحط م ك طماطم مصبرة ويمكن تعويض الحمص بالجلبانة او الزيتون وتكون لاصوص بيضاء
- 2
بعد ذلك نمرق بالماء ونخليه يطيب ونجيب حبات بطاطا نقشرهم ونغسلهم مليح ونجيب سكين لي نقشرو بيه ونشكل كما فالصورة البطاطا تاعي
- 3
بعد مابرشت كامل البطاطا نضيف عليها الملح و2م ك نشاء ونخلطها مليح ونغطي عليها ونتركها حوالي 10د
- 4
نرجع بعد مرور 10د ونجيب صحن آخر ونبدا نعصر البطاطا من الماء تاعها ونشكلها باليد كرات كيما فالصورة ونجيب مقلاة نحط فيها كمية من الزيت ونحط الكرات تتقلى مليح ونبقا نقلب فيها تحت تتقلى من برا ومن داخل
- 5
بعد ما تقلات كرات البطاطا نحطها على ورق ماص ونطفي عالمرق تاعي بعد ماطاب الحمص ونقلي الدجاج نحمرو
- 6
فالاخير نجيب صحن التقديم ونحط فيه كمية الحمص والمرق ثم قطع الدجاج المحمر ثم نحط كرات البطاطا من فوق جات بزاف بنينة ومقرمشة من برا وطرية من داخل نتمنا تجربوها
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات (3)