نحط السميد حسب اللي الكيل اللي تحبوا فالجفنة ، نخدموها على شكل فونتان ، و نحطوا نصف كاس زيت باه تتبسس ، وخميرة تاع الخبز كالعادة..

نبداو نلموها بالشوية بماء شوية دافي باه تخدم لخميرة بسرعة ، ونخلوها يابسة مش جارية ، خاطر لعجينة الجارية المطلوڨة مبعد تجي ڨاندة و يابسة فالطياب..

الوالدة تقرص بالخبزة ، و تحط فالطاجبن و تبقى معاها تقلب و تعاود حتى طيب ، و شهية طيبة و رمضانكم مباركم خاوتي خياتي..