نأخذ بايركس والبودوار وفي إناء نحطو عصير القارص او حليب ثم نتخذ البودوار نغمسهم في العصير شوية غير يتشمخ شوية ونرصهم في بايركس

من الأحسن نحضرو اولا الكريمة ونتركها في الثلاجة تبرد وتتحكم في روحها

نحضر الكريمة: في إناء نحطو بودرة شانتيه وفلان ونصف كأس حليب نطلعها بالخلاط الكهربائي مليح ثم نضيف الياووت وفرماج (جبنة) ونخلط حتى تطلع مليح وندخلها لثلاجة تبرد

ثم نحطو نص الكريمة فوق طبقة البودوار ثم نضيف طبقة البودوار بعد ما نشمخها في العصير وفي الأخير نزيدو طبقة من الكريمة ونغطها بالورق الشفاف وندخلها الثلاجة تتمسك

نحضر الكريمة القارص في كسرونة نحطو ماء فلان وميزينة اغوم القارص ونخلط بارد في بارد وعلى النار مع الخلط حتى يثقل

نترك الكريمة القارص تبرد قليل مع الخلط باش متجمدش ونخرجو بايركس ونحطو الكريمة القارص فوق تيراميسو ونغطيها بالورق الشاف ونرجعها لثلاجة تبرد وتتمسك نتركها لساعات ووقت تقديم نقدمها